冰毒的確會令人減低食慾，由於冰毒是興奮劑會刺激腦部及通往身體各部分的神經活動，令用藥者訓唔到覺，又食唔落野，體力透支，所以食冰毒會令人短暫體重下降，但同時亦會令到身體變差。

而且長期吸食冰毒會令身體新陳代謝受影響，最後還是反彈暴肥。

所以吸食冰毒係傷害身體既減肥方法，而且仲係短期內既效果。

吸食冰毒的確能讓人精神集中，體力充沛，幾日唔訓覺唔食野都得，所以有D人飲完酒，或者用左其他藥覺得好攰，但係又要即刻番工，佢地就會番工前吸食冰毒，就覺得精力十足。（常見職業為的士司機，揸車時專注力極高）

但過左幾日之後，身體就會極度疲倦，記憶同思考能力下降。而且，吸食冰毒會長期不能入睡，會破壞身體生理時鐘，亦有可能導致永久性的失眠。

冰毒是強烈的興奮劑，會產生高漲的情緒，同時有性亢𡚒的感覺，但性欲增強不等於性能力增強。所以事實上是，吸食冰毒後，性欲高漲，需要透過不斷進行性行為，來滿足性欲，即使性能力不足，仍需要「勉強」身體持續地性行為。

長期使用冰毒後進行過長時間的行性為，往往會出現各種不同程度的性功能障礙。